拉魯斯學生隊半場講和_東方日報

聽朝阿甲次直播場次，拉魯斯主場迎戰學生隊。雙方近況都差唔多，拉魯斯一向穩陣行先，初段必定試探為主，謀定而後動，學生隊作客亦唔敢冒進，半場和值得捧場。（HOY 76周二早上8時13分直播）文:法達斯維

之前一度跌Watt嘅拉魯斯，近兩場先後擊敗防衛者同萊斯查，成功止跌回升，最重要係兩場都冇失波，防守回穩係關鍵。雖然拉魯斯唔係聯賽失波最少球隊，但佢哋深明自己不擅打逆境波，初段會先求保住不敗，摸清對方底細，易邊後先嚟料，睇番佢哋近9場聯賽，有7次半場打和，呢7次仲要係半場「窿窿」，可見初段防守特別集中。

另邊廂，學生隊同樣兩連勝走出谷底，不過要留意，佢哋客場表現例打折扣，近4次聯賽作客全敗兼全部食白果，明顯當佢哋一失波，通常都無法扭轉敗局。

客軍傷兵多不敢冒進
此外，今場仲有艾拿利奧、拉美路富尼斯摩利同泰亞高柏拉斯奧斯等因傷缺陣，陣容不整，預計今仗會踢得更保守。加上雙方之前4次正面交鋒，亦有3次上半場握手言和，相信今仗初段會大踢悶波，半場和不妨再追。